ಕೃಷ್ಣ ಬಾರೊ ಕೃಷ್ಣ ಬಾರೊ

ಕೃಷ್ಣ ಬಾರೊ ಕೃಷ್ಣ ಬಾರೊ

ಕೃಷ್ಣ ನೀ ಬಾರಯ್ಯ

ಸಣ್ಣ ಹೆಜ್ಜೆಯನಿಟ್ಟು ಗೆಜ್ಜೆನಾದಗಳಿಂದ

ಮನ್ಮಥಜನಕನೆ ಬೇಗನೆ ಬಾರೊ

ಕಮಲಾಪತಿ ನೀ ಬಾರೊ

ಅಮಿತಪರಾಕ್ರಮ ಶಂಕರ ಬಾರೊ

ಕಮನೀಯಗಾತ್ರನೆ ಬಾರಯ್ಯ ದೊರೆಯೆ

ಸುರುಳು ಕೇಶಗಳ ಒಲಿವ ಅಂದ

ಭರದ ಕಸ್ತೂರಿತಿಲಕದ ಚಂದ

ಶಿರದಿ ಒಪ್ಪುವ ನವಿಲು ಕಣ್ಗಳಿಂದ

ತರತರದಾಭರಣಗಳ ಧರಿಸಿ ನೀ ಬಾರೊ

ಹಾಲು ಬೆಣ್ಣೆಗಳ ಕೈಯಲಿ ಕೊಡುವೆ

ಮೇಲಾಗಿ ಭಕ್ಷ್ಯಗಳ ಬಚ್ಚಿಟ್ಟು ತರುವೆ

ಜಾಲಮಾಡದೆ ನೀ ಬಾರಯ್ಯ ಮರಿಯೆ

ಬಾಲ ಎನ ತಂದೆ ಪುರಂದರವಿಠಲ