ಏಕೆ ಚಿಂತಿಸುವೆ ಬರಿದೆ ಮರುಳೆ

ಏಕೆ ಚಿಂತಿಸುವೆ ಬರಿದೆ ಮರುಳೆ 

ವಿಧಿ ಬರೆದ ವಾಕು ತಪ್ಪದು 

ಎಂದಿಗೂ ಮರುಳೆ 

ಹುಟ್ಟುವುದಕಿಂತ ಮೊದಲೆ ತಾಯ ಸ್ತನ 

ದಿಟ್ಟ ಕ್ಷೀರವನು ಉಂಡು 

ತೊಟ್ಟಿಲೊಳು ಮಲಗುವಾಗ ಗಳಿಸಿ ತಂ-

ದಿಟ್ಟು ನೀನುಣುತಿದ್ದೆಯೊ ಮರುಳೆ 

ಉರಗ ವೃಶ್ಚಿಕ ಪಾವಕ ಕರಿ ನಂಜು 

ಅರಸು ಹುಲಿ ಚೊರಭಯವು 

ಹರಿಯಾಜ್ಞೆಯಿಂದಲೇನೆ ನೀನು ಮಹಾ 

ಶರಧಿ ಪೋಕ್ಕರು ಬಿಡದು ಮರುಳೆ 

ಇಂತು ಸುಖದುಃಖಂಗಳಿಗೆ ಸಿಲುಕಿ ನೀ 

ಭ್ರಾಂತನಾಗಿ ಕೆಡಲು ಬೇಡ 

ಸಂತೋಷದಿಂದರ್ಚಿಸಿ ಪೂಜಿಸು 

ಕಂತುಪಿತ ಶ್ರೀಪುರಂದರವಿಠಲನ